Meta Data

Title in national language:

ԷՆԵՐԳԱՍՊԱՌՈՂ ՍԱՐՔԵՐԻ ԵՎ ՍԱՐՔՎԱԾՔՆԵՐԻ ՊԻՏԱԿԱՎՈՐՄԱՆ ԿԱՐԳԸ ԵՎ ՊԻՏԱԿԻ ՁԵՎԸ ՍԱՀՄԱՆԵԼՈՒ ՄԱՍԻՆ (17 դեկտեմբերի 2015 թվականի N 1492-Ն)

Draft:

Revision of previous policy?:

Effective Start Year:

2019

Scope:

National

Document Type:

Decree, Standard

Economic Sector:

Power

Energy Types:

Power, Other

Issued by:

Government of the Republic of Armenia

Notes:

No official English version available

Source:

Armenian Legal Information System (Arlis) (AR)

File:

Procedures of Appliance Labelling (Government Decree No 1492-N of 2019) (AR)

Overall Summary:

The 2015 Government Decree No 1492-N adopted the Procedures of Appliance Labelling and label template for gas- and electricity-consuming appliances.

Efficiency

EE labeling:

1. This procedure applies to the following energy-consuming appliances and equipment: domestic gas water heaters, domestic gas stoves (convectors), household electric refrigerators and freezers, air conditioners and washing machines.

Full Document Text

NOTE: Some content may not display correctly, including tables and figures. See PDF for full details.

Համարը N 1492-Ն	Տեսակը Հիմնական
Տիպը Որոշում	Կարգավիճակը Գործում է
Սկզբնաղբյուրը ՀՀՊՏ 2015.12.23/88(1177) Հոդ.1139	Ընդունման վայրը Երևան
Ընդունող մարմինը ՀՀ կառավարություն	Ընդունման ամսաթիվը 17.12.2015
Ստորագրող մարմինը ՀՀ վարչապետ	Ստորագրման ամսաթիվը 21.12.2015
Վավերացնող մարմինը	Վավերացման ամսաթիվը
Ուժի մեջ մտնելու ամսաթիվը 02.01.2016	Ուժը կորցնելու ամսաթիվը

Կապեր այլ փաստաթղթերի հետ

ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԷՆԵՐԳԱՍՊԱՌՈՂ ՍԱՐՔԵՐԻ ԵՎ ՍԱՐՔՎԱԾՔՆԵՐԻ ՊԻՏԱԿԱՎՈՐՄԱՆ ԿԱՐԳԸ ԵՎ ՊԻՏԱԿԻ ՁԵՎԸ ՍԱՀՄԱՆԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

17 դեկտեմբերի 2015 թվականի N 1492-Ն

ԷՆԵՐԳԱՍՊԱՌՈՂ ՍԱՐՔԵՐԻ ԵՎ ՍԱՐՔՎԱԾՔՆԵՐԻ ՊԻՏԱԿԱՎՈՐՄԱՆ ԿԱՐԳԸ ԵՎ ՊԻՏԱԿԻ

ՁԵՎԸ ՍԱՀՄԱՆԵԼՈՒ ՄԱՍԻՆ

«Էներգախնայողության և վերականգնվող էներգետիկայի մասին» Հայաստանի Հանրապետության օրենքի 8-րդ հոդվածի պահանջների կատարումն ապահովելու նպատակով Հայաստանի Հանրապետության կառավարությունը

որոշում է.

Սահմանել էներգասպառող սարքերի և սարքվածքների պիտակավորման կարգը և պիտակի ձևը՝ համաձայնհավելվածի։
Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ

Հ. Աբրահամյան

2015 թ. դեկտեմբերի 21 Երևան

Հավելված

ՀՀ կառավարության 2015 թվականի դեկտեմբ երի 17-ի N 1492-Ն որոշման

ԷՆԵՐԳԱՍՊԱՌՈՂ ՍԱՐՔԵՐԻ ԵՎ ՍԱՐՔՎԱԾՔՆԵՐԻ ՊԻՏԱԿԱՎՈՐՄԱՆ ԿԱՐԳԸ ԵՎ ՊԻՏԱԿԻ

ՁԵՎԸ

Սույն կարգը տարածվում է հետևյալ էներգասպառող սարքերի և սարքվածքների՝ կենցաղային գազիջրատաքացուցիչ կաթսաների, կենցաղային գազի վառարանների (կոնվեկտորներ), կենցաղային էլեկտրական սառնարանների ու սառցարանների, օդորակիչների և լվացքի մեքենաների վրա։
Նշված կենցաղային էներգասպառող սարքերի և սարքվածքների էներգետիկ բնութագրերի փորձարկումներըկարող են իրականացվել փորձարկման լաբորատորիաների կողմից՝ հայտատուի (ներկրող կամ արտադրող տնտեսավարող սուբյեկտներ) հաշվին` Հայաստանի Հանրապետությունում գործող միջազգային և տարածաշրջանային ստանդարտներին ներդաշնակեցված ազգային ստանդարտների համաձայն՝

1) կենցաղային գազի սարքավորումներ`

ա. գազային վառելիքով կենտրոնական ջեռուցման կաթսաներ. C տիպի, 70 կՎտ-ից ոչ ավելի ջերմային անվանական

բեռնվածքով ջեռուցիչ կաթսաներ,

բ. գազի վառարանների էներգասպառման չափման միջոցներ. 2) կենցաղային էլեկտրական սարքավորումներ և սարքվածքներ՝

ա. էլեկտրական կենցաղային լվացքի մեքենաներ։ Աշխատանքային բնութագրերի չափման միջոցներ,

բ. էլեկտրասնուցման ցանցից աշխատող կենցաղային սառնարաններ, սառցարաններ, ցածր ջերմաստիճանային

պահարաններ և դրանց զուգակցումներ. էլեկտրական էներգիայի սպառման և համապատասխան բնութագրերի չափման միջոցներ,

գ. էլեկտրաշարժաբերով ճնշակներով օդորակիչներ, հեղուկի ագրեգատացված պաղեցումով սարքեր, ջերմապոմպեր

կենցաղային ջեռուցման և պաղեցման համար սերիայի ստանդարտներ։

3. Հայաստանի Հանրապետության համար սահմանվում են էներգասպառող սարքերի էներգաարդյունավետության պիտակների նշված ձևերը, դրանց վրա ներկայացվող համապատասխան տեղեկատվությամբ՝

1) կենցաղային էլեկտրական լվացքի մեքենաներ։ Էներգաարդյունավետության պիտակի չափերը՝ ուղղանկյուն,

116x259 մմ։ Պիտակի վրա ներկայացվում են՝

ա. արտադրող ընկերության անվանումը, ապրանքանշանը և սարքավորման մոդելը,

բ. սարքավորման էներգաարդյունավետության դասը A-G սանդղակին համապատասխան (A` առավել

արդյունավետ, G` առավել ոչ արդյունավետ)։ Լվացքի մեքենաների էներգաարդյունավետության դասը սահմանվում է ըստ բամբակյա իրերի լվացքի մեկ ցիկլի (60⁰C) ընթացքում առավելագույն բեռնվածքի պարագայում (սովորաբար 6 կգ) ծախսված էլեկտրական էներգիայի քանակի (կՎտժ)։ Էներգաարդյունավետությունն արտահայտվում է կՎտժ/կգ լվացք ցուցանիշով՝

A B C E F G

<0.19 <0.23 <0.27 <0.31 <0.35 <0.39

գ. լվացքի մեկ ցիկլի էլեկտրական էներգիայի ծախսը (բամբակյա իրեր 60⁰C)՝ համաձայն համապատասխան

ստանդարտում ներկայացված փորձարկումների ընթացակարգի,

դ. լվացքի արդյունավետությունը A-G սանդղակին համապատասխան (A՝ բարձր, G` ցածր),

ե. չորացման արդյունավետության դասը A-G սանդղակին համապատասխան (A՝ բարձր, G` ցածր),

զ. պտտման առավելագույն արագությունը բամբակյա իրերի լվացքի (60⁰C ցիկլի դեպքում՝ համաձայն

համապատասխան ստանդարտում ներկայացված փորձարկումների ընթացակարգի,

է. սարքավորման տարողությունը բամբակյա իրերի լվացքի (60⁰C) ցիկլի դեպքում արտահայտված կգ-ով,

ը. լվացքի մեկ ցիկլի (բամբակյա իրեր 60⁰C ջրի ծախսն արտահայտված լ-ով,

թ. լվացքի և չորացման գործողությունների ժամանակ աղմուկի մակարդակն արտահայտված դԲԱ 1 պՎտ-ի հաշվով։

Կենցաղային էլեկտրական լվացքի մեքենաների համար սահմանված էներգաարդյունավետության պիտակի ձևը նշված է սույն կարգի N 1 ձևում.

2) կենցաղային էլեկտրական օդորակիչներ. էներգաարդյունավետության պիտակի չափերը՝ ուղղանկյուն՝ 116x269 մմ։ Պիտակի վրա ներկայացվում են՝

ա. արտադրող ընկերության անվանումը, ապրանքանշանը և սարքավորման մոդելը: «Սպլիտ» և «Մուլտի սպլիտ»

տիպի սարքերի համար նշվում են ներսի և դրսի բլոկների մոդելները,

բ. սարքավորման էներգաարդյունավետության դասը A-G սանդղակին համապատասխան, A՝ առավել

արդյունավետ, G՝ առավել ոչ արդյունավետ)։ Օդորակիչների էներգաարդյունավետության դասը սահմանվում է ըստ էներգաարդյունավետության գործակիցների հաշվարկային տիրույթների։ Էներգաարդյունավետության գործակիցները հաշվարկվում են որպես սարքավորման սառեցնող ունակության և էլեկտրական հզորության հարաբերություն։ Ընդ որում, էներգաարդյունավետության գործակիցների հաշվարկային տիրույթները տարբեր տիպի (առանձնացված բլոկներով սարքեր, համակցված սարքեր և այլն) օդորակիչների համար տարբեր են,

գ. էլեկտրական էներգիայի տարեկան հաշվարկային ծախսը, որը հաշվարկվում է որպես սարքավորման դրվածքային հզորության և տարվա ընթացքում սարքավորման շահագործման ժամաքանակի (500 ժամ) արտադրյալ՝ կՎտժ:

Պաղեցնող ռեժիմում սարքավորման դրվածքային հզորությունը՝ կՎտ: Պաղեցնող ռեժիմում և դրվածքային հզորությամբ աշխատելու դեպքում սարքավորման էներգաարդյունավետության գործակիցը (որքան բարձր է ցուցանիշը, այդքան արդյունավետ են սարքավորման էներգետիկ բնութագրերը պաղեցնող ռեժիմում),

դ. սարքավորման տիպը՝ պաղեցնող կամ պաղեցնող/ջեռուցող,

ե. ջեռուցման դրվածքային հզորությունը (ջեռուցման հնարավորությամբ սարքերի համար),

զ. ջեռուցման էներգաարդյունավետությունը (ջեռուցման հնարավորությամբ սարքերի համար, A-G սանդղակին

համապատասխան, A՝ առավել արդյունավետ, G՝ առավել ոչ արդյունավետ),

է. սարքավորման աղմուկի մակարդակն արտահայտված դԲԱ 1 պՎտ-ի հաշվով։ Օդորակիչի համար սահմանված

էներգաարդյունավետության պիտակի ձևը նշված է սույն կարգի N 2 ձևում.

3) կենցաղային էլեկտրական սառնարաններ, սառցարաններ և դրանց համակցումը հանդիսացող սարքեր։

Էներգաարդյունավետության պիտակի չափերը՝ ուղղանկյուն՝ 116 x 220 մմ։ Պիտակի վրա ներկայացվում են՝

ա. արտադրող ընկերության անվանումը, ապրանքանշանը և սարքավորման մոդելը,

բ. սարքավորման էներգաարդյունավետության դասը A-G սանդղակին համապատասխան (A՝ առավել

արդյունավետ, G՝ առավել ոչ արդյունավետ): Սառնարանների էներգաարդյունավետության դասը որոշվում է ըստ էներգաարդյունավետության ինդեքսի արժեքի։ Էներգաարդյունավետության ինդեքսն իր հերթին հաշվարկվում է որպես սարքավորման տարեկան էներգասպառման և տվյալ տիպի սարքավորման տարեկան ստանդարտ էներգասպառման հարաբերություն։ Էլեկտրական էներգիայի տարեկան ծախսը` կՎտժ, թարմ սննդամթերքի պահպանման համար նախատեսված սառցախցերի ընդհանուր ծավալը, լ (որտեղ ջերմաստիճանը բարձր է -6⁰C),

գ. սառցարանային խցերի ընդհանուր ծավալը, լ (որտեղ ջերմաստիճանը ցածր է -6⁰C),

դ. սառցարանային խցերի աստղային ռեյթինգը ըստ համապատասխան ստանդարտի պահանջների,

ե. սարքավորման աղմուկի մակարդակն արտահայտված դԲԱ 1 պՎտ-ի հաշվով։

Կենցաղային էլեկտրական սառնարանների, սառցարանների և դրանց համակցումը հանդիսացող սարքերի համար սահմանված էներգաարդյունավետության պիտակի ձևը նշված է սույն կարգի N 3 ձևում.

4) կենցաղային գազի ջրատաքացուցիչ կաթսաներ՝

Կենցաղային գազի կաթսաների էներգաարդյունավետության պիտակի չափերը՝ շրջան, 50 մմ շառավղով։ Պիտակի վրա ներկայացվում են՝

ա. արտադրող ընկերության անվանումը, ապրանքանշանը և սարքավորման մոդելը,

բ. սարքավորման էներգաարդյունավետության դասը, որը բնութագրվում է «աստղային» ռեյթինգով (4 աստղ՝

առավել արդյունավետ, 1 աստղ՝ առավել ոչ արդյունավետ):

Կենցաղային գազի ջրատաքացուցիչ կաթսաների էներգաարդյունավետության դասը սահմանվում է ըստ սարքավորումների անվանական ջերմարտադրողականության դեպքում սարքավորման ՕԳԳ-ի արժեքների որոշակի տիրույթների։ Սահմանված են հետևյալ տիրույթները՝

Էներգաարդյունավետության դասը	Անվանական հզորության դեպքում` ՕԳԳ, %
*	81-86
**	87-90
***	91-94
****	95-ից բարձր

Կենցաղային գազի ջրատաքացուցիչ կաթսայի էներգաարդյունավետության պիտակի ձևը նշված է սույն կարգի N 4 ձևում.

5) կենցաղային գազի վառարաններ (կոնվեկտորներ): Կենցաղային գազի վառարաններիէներգաարդյունավետության պիտակի չափերը՝ շրջան, 50 մմ շառավղով: Պիտակի վրա ներկայացվում են՝

ա. արտադրող ընկերության անվանումը, ապրանքանշանը և սարքավորման մոդելը,

բ. սարքավորման էներգաարդյունավետության դասը, որը բնութագրվում է «աստղային» ռեյթինգով (4 աստղ՝

առավել արդյունավետ, 1 աստղ՝ առավել ոչ արդյունավետ)։

Կենցաղային գազի վառարանների էներգաարդյունավետության դասը սահմանվում է ըստ սարքավորումների անվանական ջերմարտադրողականության դեպքում սարքավորման ՕԳԳ-ի արժեքների որոշակի տիրույթների։ Սահմանված են հետևյալ տիրույթները՝

Էներգաարդյունավետության դասը	Անվանական հզորության դեպքում` ՕԳԳ, %
*	80-84
**	85-88
***	89-91
****	91-ից բարձր

Կենցաղային գազի վառարանի էներգաարդյունավետության պիտակի ձևը նշված է սույն կարգի N 5 ձևում.

6) պիտակները փակցվում են սույն կարգի 3-րդ կետով նախատեսված յուրաքանչյուր ապրանքատեսակի արտաքինմակերեսին՝ սպառողի համար տեսանելի տեղում։

Հայաստանի Հանրապետության կառավարության աշխատակազմի ղեկավար-նախարար

ARMENIA: Procedures of Appliance Labelling (Government Decree No 1492-N of 2019)

ՁԵՎԸ ՍԱՀՄԱՆԵԼՈՒ ՄԱՍԻՆ

ՁԵՎԸ

Ձև N 1

Ձև N 2

Ձև N 3

Ձև N 4

Ձև N 5